సిరియా మారణ హోమం (కవిత )

ఇది ఎవ్వరు చేసిన పాపం?
ఎందుకీ నరకం?
.............................  శ్రీదేవి తంగెళ్ళ

వేలవిద్రోహాల  వికృత తాండవం....
వేలాడిన యమపాశాల కరాళ నృత్యం....
నిర్ధయో...నిర్దాక్షిణ్యమో....
ఉలిక్కిపడిన ఉగ్గుపాలు !!
విషన్నమో... విషాదమో...
చావుకేకైన చనుబాలు !!
అర్తనాదమో...ఆక్రందనో...
నేలకొరిగిన మురిపాలు !!
ఎవ్వడు రాసిన రాతలివి?
ఎవ్వడు చెరిపిన గీతలివి?
మరెవ్వడు శాశించిన గాథలివి??
మానవత్వమా తిరిగిచూడు....
విధిని ఒక్కసారి అడిగిచూడు....
దు:ఖం అనివార్యమైన  నేలమీద
కురిసిన రుధిర వాన..
శాపమో పాపమో తెగబడిన వేళ
తెగిన ఆయు: వీణ...
నీవూ నేనూ ..అందరం..
ఇప్పుడు శోకపీడితులమే
*******
అరణ్య రోదనలకు అశ్రువొక్కటి అర్పిద్దాం.....
తీరని వేదనలకు అంజలైనా  ఘటిద్దాం....